III Mикробиолошки Kонгрес - Интерактивна Работилница 

Прва примена на Интерактивните Презентациски Системи во Македонија. За потребите на Лек Скопје, Намико комплетно технички ја поддржа „Лековата антибиотска работилница“, во која активно се вклучија 100 учесници на конгресот. Четворица еминентни стручњаци во полето на микробиологијата, изложија неколку специфични случаи на пациенти. Преку интерактивниот презентациски систем, нивните колеги во публиката го изразија своето стручно мислење околу дијагнозата на заболувањата, потребните дополнителни испитувања и соодветниот медикаментен третман.

USAID Court Modernization Project - Панел дискусија

За прват во Македонија, активно учество на сите присутни на панел дискусија во рамките на II Судска Административна Конференција на Македонија. Официјални панелисти на дискусијата „Односот помеѓу трите власти“ беа Михајло Маневски - Министер за правда, Благородна Дулиќ - претседател на Парламентарната Законодавно правна комисија (ВМРО-ДПМНЕ), Цветанка Ивановска - член на Парламентарната Законодавно правна комисија (СДСМ), Бесим Догани - член на Парламентарната Комисијата за уставни прашања (ДПА), Добрила Кацарска и Ангелчо Видевски претседатели на основни судови. Сите учесници на конференцијата, со примена на ИПС, анонимно и искрено ги изразуваа своите ставови околу состојбата на судството и односот на трите власти – судска, законодавна и извршна, а мислењето од сите учесници го водеше темпото и правецот на дискусијата.

F.Hoffmann-La Roche - Скопје - Лансирање на лек

Интерактивно поддржана промоцијата на Tarceva, лек за борба против ракот на белите дробови. ИПС овозможи да се искористи предноста на интерактивноста - подобра комуникација со посетителите, задржување на нивното внимание и континуирано едуцирање. Практично сите важни карактеристики на лекот и податоците за негова апликација изложени во текот на самите презентации, беа поставени како прашања до публиката, за нивно утврдување и ефикасно помнење.

Еуро Табак - Групно натпреварување

“Освојте Милионче” – интерактивен квиз со учество на неограничен број натпреварувачи, во стилот на популарниот квиз. На партнерскиот собир на Еуро Табак, прв пат во Македонија е употребен натпреварувачкиот модул на OptionPower ИПС. Гостите се забавуваа и такмичеа во квизот за освојување на што повеќе од можните 1.000.000 поени. Квизот има 15 прашања, а учесниците освојуваат соодветен број поени за секој точен одговор. Учествуваа истовремено 40 натпреварувачи, освојувајќи поени за себе и за својата екипа. За најдобрата екипа и најдобрите поединци се разбира имаше награди.

Дуна Компјутери – ISO9001/ ISO14000 - Анкета

Анкетата за испитување на задоволството кај вработените е стандарден дел од Системот за управување со квалитет и животна средина ISO9000 и ISO14000. Дуна Компјутери го искористи ИПС за брзо и ефикасно спроведување на анкетата. За само половина час комплетно е изведена целата анкета и добиени се комплетно обработени резултати. Прашањата и изборот на нивото на задоволство се прикажуваа на платно, а вработените анонимно одговараа со помош на безжични гласачки тастатури. Сите резултати се добиваат веднаш во тотал и по однапред дефинираните демографски карактеристики - сектор, возраст, пол, години на работен стаж.

Македонски Телекомуникации

 Акционерско Собрание

Собранието на акционери на МТ ја искористи можноста на интерактивните гласачки системи, гласањето да се одвива тајно, а резултатите од гласањето да се прикажат транспарентно и веднаш, без потреба од пребројување и калкурирање. Беше креирана листа на присутни акционери со точен број на акции а соодветно на тоа и вредноста на нивниот глас. ИПС беа употребени за избор на претседавач на собранието, овластен бројач на гласови и записничар, за гласање на точките од дневниот ред, како и за избор на овластен Ревизор на МТ за 2006 година. ИПС се покажа како моќна алатка за брзо, транспаретно и ефикасно спроведување на акционерски собранија.

III македонски конгрес по кардиологија - Интерактивна Работилница

Модераторите на интерактивната работилница „Превенција на идни кардиоваскуларни збиднувања преку регулирање на крвниот притисок и нивото на серумскиот холестерол“, асс. д-р Иван Трајков и асс. д-р Лидија Попоска од Институтот за срцеви заболувања, преку ИПС ги презентираа најновите светски сознанија од оваа област.

Истовремено ги вклучи сите учесници во обработката на специфичните случаи. На поставените прашања лекарите одговораа анонимно и покажа огромен интерес и значително зголемено внимание во текот на целата презентација.

Дуна Компјутери - Nashuatec ден – Групно натпреварување и едукација

Со цел пренесување на сите новини за брендот до корисниците, како и подигање на задоволството на корисниците преку периодично дружење и собирање, во релаксирана атмосфера беше организиран првиот Nashuatec ден. Целиот настан беше осмислен, координиран и спроведен од „Намико“. Гостите уживаа во пригодната атмосфера на ресторанот Езерце, а се забавуваа играјќи го квизот “Освојте Милионче”. Покрај оваа забавна активност, гостите имаа можност да го проследат и фудбалскиот натпревар помеѓу селекциите на Македонија и Русија на градскиот стадион во Скопје.

I Конгрес на ЈИЕ на лекари по ОМ/ФМ - Интерактивна Работилница

Интерактивната Лекова работилница на тема „Третман на најчестите кардиоваскуларни заболувања“ со проф. д-р Катица Зафировска од Клиниката за неврологија, им овозможи на учесниците на конгресот активно да учествуваат во текот на целата презентација.

Беа обработени повеќе случаи на пациенти, за кои учесниците даваа свое мислење околу дијагнозата и потребната терапија, како и соодветното дозирање. Овој пристап на предавање комплетно го задржа вниманието на публиката во текот на целата работилница, ги заинтрига претходно пасивните слушатели и активно ги вклучи сите присутни.